كنتي الجواب اللي شفا أسئلتي...

و كنت الحبيب اللي قبل ما كنته...

شوفي الحنين اللي غدا مشكلتي...
يوم اللقا من هيبته أخرته....

يا بنت غبتي حيييل و تأخرتي...
و الوجد يشرح للغفا مشكلته...

ليتك على حدب المحاني نمتي....
كان اللحن عوود على حنجرته...

صنتي العذاب وحبنا كم خنتي...
لين الوعد ذاب و بقا في صمته...

شفتي الدموع اللي بها تأثرتي؟؟؟
و إحترتي أنتي بحبنا و إحترته...

ما آهلها ع فراقنا لو متي...
حتى الزعل لا رحتي استكثرته...

ما هان قدري..انتي اللي هنتي...
كافي نكذب ... خنته و ما خنته...

منتي الحنين اللي خذاني منتي...
أنتي سراب(ن) عشته و إيقنته...

حان الوداع..وانتي اللي اخترتي...
ظاعت عهود و حلمنا شتته..

يا جاهله شوفي لوين وصلتي...
لو هل دمعك شفته و كذبته...

عودتك اصفح غلطتك و إعتدتي...
و إزريت اسامح بالهوى.. ثم عفته...

انتي كبرتي...وانتي اللي خسرتي...
وانا حفظت الخافق و حششمته...

ياهيييه و إن طال العذاب.. وصمتي...
هذا سكوت اللي ضحك من كبته..

وسيوفك اللي غمدها خاصرتي...
قد ملها جرحي الذي سببته..

روحي... وانا باروح وانتي انتي...
ولا الدمع من يومها كفكفته...

محمد الشريقي