اسمع كلامي واقضبه لايتعداك

 حافظ على دينك وهذي ربايح 

رصيدك اللي ينفعك وقت الإدراك 

وسلك طريق الحق درب الصحايح 

يعجبها الطيب ويقمع لك اعداك

جنب دروب اهل اليدين الشحايح

والطيب خله من سلومك ومبداك

  والضيف دور له جزيل الذبايح

و الجار لا تجفاه ويعيف مركاك

 واللي حصل له من زمانه جرايح

من فقر والا دين لا تغلق يداك

  عطه العطيه لا تدور مدايح

تلقى عوضها عندخالقك مولاك

وخل القرابه شوفهم لك فرايح

لاصار فعل الطيب دايم سواياك

وجنب دروب مدورين الفضايح

وخلك حليمن للنشب دوم فكاك

و احرص على اخوانك بكل الشوايح

واخوك خله درع جنبك ويمناك

 و امك وجدانك دروب السمايح

وعلى كبير السن لا تكثر احكاك

  وهذي نصيحه من خيّار القرايح

اخترتها لك يا عسى الله يرعاك

     لابد من يوم مودع ورايح

ويطوى فراشي مثل ربعي هذولاك

و اليّا حصل لي ماكتب في اللوايح

قلِ عساك بجنة الخلد سكناك

    ما ينفعك يابوك كثر النوايح

عمرن قضى ماينفعك كثرةبكاك

    والي ببيتك يزعجن الصوايح

حذراك تجرحهن وحذراك حذراك

    تالع فتايل شمعتي بالقدايح

لا صار تدعيلي عسى الله يحماك

    و يالله يا منشي المزون الروايح

طالبك في حسن الخواتيم لقياك

تم النشر بالتنسيق والتعاون مع منتدى عروس الشمال