احـــرص عــلـى لــم الـقـلوب الـمـواليف
واســنـد خــويـي لـيـن تـصـلح ظـروفـه

اجـلـى صــدا بـعض الـصدور الـملاقيف
واحـــــدّ نــــزوات الـضـمـيـر وعــزوفــه

مـثـلي مـثـل ربـعـي حـمـاة الـمعـاطيف
والـطـيـب مــابـه عـالـحـويطي كـلـوفـه

تـجـيـبـنا الــنـخـوه ســحــابٍ مــراديـف
ونـــــرد شـــرهــات الـعـنـيـد وعــنـوفـه

نــدرا عـلـى بـعـض الـنفوس الـمحاريف
ونــــذود مـــن دون الـشـمـوخ وإنــوفـه

فـيـنا لـيـانٍ تـحـسبه ضـعـف .. لـلـظيف
وفـيـنـا مــن الـمـنقود بـالـناس ..خـوفـه

وفـيـنا قـسـى شـم الـهضاب الـمشاريف
مــاكــن فــيـنـا لــيــن جــــال ومــروفـه

نـكـسب عـزيز الـنفس لـو جـالنا مـخيف
والــزلـه الــلـي مـــن رفــيـق امـحـذوفه

حويطات فيهم (شذرة السيف والكيف)
كــــم راس شــيــخ مـاحـمـنـه سـيـوفـه

نـقـلط عـلـى طـعـن الـحـراب الـمراهيف
وتــغــيـر خـــيــلٍ مــاتـقـول مـعـسـوفـه

مـاضـي ولـكـن لـه مـع الـحاضره طـيف
مـامـات فــي نـبـض الـقـلوب الـشـغوفه

نـكـبـر عــلـى بـعـض الـلـغا والـتـخاريف
والـــلــي نــشــوفـه مــايقـدر .. نطـوفـه

هـــذا وفــكـري صـنـف الـهـرج تـصـنيف
وقـمـت اتـوقّى الـصلف واثـني حـفوفه

مــا كــل سـحّـابه نـشـت مـزنـة الـصيف
ولاكـــل بـــارق فــيـه وســـم وسـعـوفه

لاصـــــار لــلـدنـيـا مــســار وتــصـاريـف
خـــل الـشـعـر للنـــاس عــذب بـحـروفه