فـيـها مــن الـشـرّد تـنـاهيد وانـتـاج
مـبـريّـة تــاخـذ مــن الـنـادر عـقـود

لـولا الـولع مـاسوّت الـرجل مـدارج
يـم الـرفيع الـلي رقـى فـوقهن زود

شامخ من نجوم الفضا يلبس التاج
مـن قـبل تـرقا به ..تقل ماله حدود

فـي هـامته تاخذ من الضيقه افراج
ميلاف لاصكت على الضامر حشود

واشـب في راسه من اليابس سراج
مرتــاح لــو تـتـعِب مـراقيه بـسنود

مـسيار اسـوي بـه عـن العالم سياج
واعـيش مـاكني مـع الناس موجود

لاسـرت فـي عـزله ولاتـسمع ازعاج
لامـحـتـري دقـــه ولانـــي بـمـوعود

اخـيل مـجلاسه تـقل عـرش ديـباج
فـي وقت ماياوي على قلب مقرود

اخـيـر مــن جـلـسه تـعـنالها احــرج
فــي وسـط جـلاسٍ مـناويبها سـود

ان جـيت لـك مـجلس تـولاه هـراج
ابــوه حـامـينا وهــو حـامـي الـذود

وهـرج العفن لو هو تقل ذيل كرباج
تـجـاهله واتـرك لـه الـحبل مـشدود

أسكت ولو صدرك تلاطم به امواج
الـصمت فـي هيبـه ولا هرج منقود