يقول قول ولا عرفنا وش ايقول
       بس المهم عنده ثمانين جوله

شاعر ولا شاعر بشيٍ ومهبول
      من وين ما وجّهت بتشوف زوله

شاعر وطن شاعر غزل شاعر اخيول
     معجون جُبْن ويدّعي بالبطوله

لا طعم لا نكهة شعر هرجة اخبول
    يرطن ولا ندري وش ايريد قوله

ناقص وزن ما متزن تقل مسطول
    زايد هباله وابلشتنا هبوله

شعره عور صمٍّ وبكمٍ ومشلول
   وقلبه مع النسوان خمسين دوله

من يسمعه ما يقرب الشعر للحول
   غث القصيد و غث من مر حوله