ألسيرة ألذاتية للشاعر والكاتب المسرحى ناجى عبد المنعم
عرار:
ناجى عبد المنعم فى سطور# ناجى عبد المنعم عبد القادر العدل # مواليد 1964- دكرنس – الدقهليه - ج . م . ع # شاعر عامية وكاتب مسرح
# عضو اتحاد كتاب مصر من عام 1988
# عضو جمعية الرواد بالمنصورة 1990 # مدير تحرير مجلة الحصاد عام 1983 # أصدر ورأس تحرير مجلة الزهراء عن وزارة الشباب والرياضة عام 1984 # أصدر ورأس تحرير مجلة هلوسة الفكاهية عام 1990 # مؤسس ورئيس مجلس ادارة جريدة الرسالة عام 1991 - 2013 # رئيس مجلس ادارة منتديات أحلام المصرى 2013 ###### ##### #####
حاز العديد من الجوائز فى الشعر والمسرح ــــــــــــــــــــــــــــــــــــــــــــــــــــــــــــــــــ # المركز الرابع فى مسابقة شعر العامية التى نظمتها جريدة أخبار الادب عن قصيدة ( الخوف شريعة المغترب ) عام 1995 # المركز الاول فى مسابقة التأليف المسرحى عن مسرحية ( محاكمة ميت ) الصادرة عن الهيئة العامة للكتاب1996 # جائزة الديوانية بالرياض المملكة العربية السعودية عن قصيدة ( الشرخ عامل أبلكيشن للصور ) عام 1995 # شهادات تقدير فى مناسبات ابداعية مختلفة ( جريدة أحوال مصر النهارده – اقليم شرق الدلتا الثقافـــــى – الهيئة العامة لقصور الثقافة – مهرجان الجنادرية بالسعودية – ثقافة الدقهلية – بيت ثقافة دكرنس ) # وسام ( شاعر مميز ) من منتديات ريشة سماوية # وسام ( شاعر ) من منتدى دروب الشعر وصالونات كنوز تمر حنة ومرفت جابر وغيرها
وقائمة الجوائز طويلة
نشر فى العديد من الصحف والمجلات العربية والمصرية نذكر منها | ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ( الاهرام – الاهرام المسائى – الاخبار – أخبار اليوم – أخبار الادب- الجمهوريه – المساء – حريتى – السياسى المصرى – العروبة – الجزيرة السعودية – الصباحية والمسائية السعوديتان – الميدان – المجتمع الكويتية – الحياة اللندنية – الحياة المصرية – الوفــــد – الكواكب – صوت فلسطين – السلام العربى - أدب ونقد – عيون – الأهالى – الزهراء – الرسالة – الحصاد – لقاء الاثنين – الزمان – السلام العربى - صوت فاسطين - ........ والقائمة طويلة
صدر له : ــــــــــــ # الخروج من التمثال الخشبى أ شعار بالعامية المصرية على نفقته الخاصة 1988 # معزوفات سماوية ديوان شعر مشترك عن الهيئة العامة لقصور الثقافة 1990 # همسات ولمسات ديوان شعر مشترك الهيئة العامة لقصور الثقافة 1991 # رحيق العامية ديوان شعر مشترك الهيئة العامة لقصور الثقافة 1991 # أحسن الآشعار ديوان شعر مشترك الهيئة العامة لقصور الثقافة 1992 # محاكمة ميت مسرحية الهيئة العامة للكتاب 1992 # العفريتة الشقية مسرحية على نفقته الخاصة 1993 # نوبة جنون أشعار بالعامية المصرية اقليم شرق الدلتا الثقافة 2000 # ليه قلبى قادر يكرهك أشعار بالعامية المصرية 2013
له تحت الطبع : ــــــــــــــــــــ # نفسى أشتمك أشعار بالعامية المصرية # مات الكلام أشعار بالعامية المصرية # السيرة الذاتية للنزيف أشعار بالعامية المصرية # جمهورية سماح مسرحية # رباعيات ناجى عبد المنعم رباعيات # أزجال ناجى عبد المنعم أزجال # أغنيات ناجى عبد المنعم أغانى # أسفار الخندريس أشعار بالعامية المصرية
ندوات وأمسيات شعرية ومهرجانات دولية : ـــــــــــــــــــــــــــــــــــــــــــــــــــــــــــــ # شارك فى مهرجان الجنادرية للشعر النبطى بالسعودية 1995 # شارك فى مهرجان شعراء العرب بفندق تيبستى ببنى غازى – ليبيا # شارك فى العديد من الندوات والمهرجانات الادبية بمصر
دراسات ومقالات للشاعر : ـــــــــــــــــــــــــــــــــــ # ماهية الادمان دراسة # اشكالية الشكل فى القصيدة العامية دراسة # ديك عبد العزيز بندق يطلق صياحه فى المدى دراسة # طقوس الكتابة وهوى الكاّبة سلسلة مقالات نقدية والقائمة طويلة
دراسات ومقالات كتبت عن الشاعر : ــــــــــــــــــــــــــــــــــــــــــــــــــــــ # نوبة جنون دراسة للشاعر أمين مرسى كتاب أول الغيث # نوبة جنون دراسة للشاعر عبد الناصر الجوهرى # من المحرر مقال للأديب محمد جبريل جريدة المساء # أدبى وبلدى جريدة المساء
أشترى بسذاجتى حب الوطن شعر ناجى عبد المنعم *****************بخ المحيط كل اللى باقى من ضجيج التابوهات فانسابت القناديل على – رمل الشطوط تطحن فى دم الأورده من بين مسام الجلد / خطـّـيت / وابتديت / أعلن بداية البدء فى – زمن التشهــّــى والشتات بخليط ومزج من ائتلاف الأفئده لحلول تباشير التمنى للخروج – من عتمة البحر الغويط !! مفتون أنا يمكن يكون القلب مفتون بالهوى يمكن يكون العقل مفتون بالسياسة - والتاريخ يمكن أكون تايه مابين متغيرات الفلسفه والحرب بين كل اللغات بس الأكيد لا قدرت اكون ( روميو ) العنيد ولا ( قيس ) اذا اترشقت سهام – الغدر فى القلب السعيد لكنّــى عاشق بس انا عاشق جديد ( متمردة / صوتك من النيل والزتون / قلبك مابين صحو وسكون / همسك يكون أو لا يكون / عقلك اذا احتدم الوطيس / يهتك ستار أعتى الحصون ) يرميتى شوقى لابتهاج الدم جوّه الأورده أدخل فى شريان الحياه وأبدأ حياتى من جديد أرسم خريطه للهوى من غير حدود من غير سياسات مجحفه أو فتح باب - لنسيج متون الفلسفه ان دق قلبى وارتويت من نشوة الحب العفيف لا يهمنى زحف الجراد ولا نشر أبعاد الوهن – للتابوهات جوه الخريف
قررت أنسى عشرتك
وسنين هواك
واهجر ثنايا محبتك
وحنين لقاك
أنا كنت ورده مفتحه
وعبيرها بيفوح فى المدى
دبلت فى ايدك وابتدى
يغتال برائتها الردى
أنا كنت شمعه منوره
بتقيد تنور دنيتك
طفيت عيونها بغفوتك
وقتلتنى برجع الصدى
أنا كنت لك كل الفكر
وكتاب كبير
بس انت للأسف الشديد
ما عرفت تقرا كلمتى
قلبك دهب ؟!
لا .. لا .. للأ
قلبك صفيح
ولا كنت يوم فى هواك صريح
بتبيع فى قلبى واشتريك
خليتنى _ لحظة ضعف _ اقول
ياخسارة الحب الجميل
منك .. وفيك !!
جرّحتنى وشكيت غرامى للسما
وف لحظة الندم المؤكد
جاى تقول راجع أكيد
طب كنت فين
ودموعى بتجرح خدود المجروحين
والقلب نازف م الحنين
لا التوبه تنفع للظروف
ولا حتى خوف القلب نافع
والكسوف
مجروح أنا
احساسى بيك أصبح خلاص
مضروب فى قلبه بالرصاص
أنا حبى مات
وحنينى للعشق الجميل
أصبح رفات
**********************************
من ديوان ( مجروحة )
للشاعرة
الهام شحاتة
فى عتمة الليل الطويل
تايه ودايرفى الشوارع - والحارات
ابحث وادوّر عن وليدى
فى الوشوش
لحظة غروب الشمس
ونزول المطر
والواد اكيد
لسّاه ماجاش
ـــــــــــــــــــــــــــــ
الشنطة متعبيه باكوام
الحجارة والزلط
والزمزمية فيها لنصّها
مخلوط من النيل والفرات
وكتاب ( لدرويش )
والوطن
وف طرف رجله الخنجر المسموم -
وقلبه كما العواصف
فى المدى
هجم الولد
على أول البحر الغريق
فاتزلزلت
أمواجه جوّه الدوّامات
داس الولد
على ( وعد بلفور ) وابتدى
يرسم لنفسه وللولاد
شكل الخريطه من جديد
دولة فلسطين الأمل
يا غربتى !!!!
الأرض تاهت والولد
بين ابتهاج الخنجرين
والدايرتين
وانا اروح لمين ؟!
وياليل ياعين
موّالى تايه
فى انحناءات الجحيم
وبراءة الطفل اليتيم
متعلقه بين البينين
أسحب براءة مهجتى
من بين عيون الشمس
وجبين القمر
وارميها ف بحور انتظار المستحيل
نده الولد وبعلو صوته ع الولاد
فاتجمعوا تحت العمود
- كان العلم عمّال يرفرف ع العمود -
علم البلاد !!
حرق الولد غصن الزتون
واشتال فى ايده الخنجرين
وكأنه اعصار فى المدى
زعق الولد
لازم نحرر أرضنا
مش بالسلام
ولا بالتفاؤل والكلام
ولا بالبياض
اللى انتشر
حوالين عنينا-
من سخافات جورج بوش
وكتب على غصن الزتون
بالدم حيرة لوعتى
تاهت عيونى فى الدواير والنقط
وطنى اللى جاى من مستحيل
وابنى اللى دمّه بيتسحل
بين السنابك والصهيل
الواد دخل فى المعركة
وانا دمى فاير بين بطون الأورده
متأكده
ان الكفن مرسوم عليه
صورة الولد
بس الأكيد
ان الكفن
ماعليهش شىء
من لون علم
أرض الزتون
ــــــــــــــــــــــــــــــــــــــــــ
من ديوان ( جرح الهوى )
للشاعرة
الهام شحاتة
شعر
الهام شحاتة
************
قررت أنسى عشرتك
وسنين هواك
واهجر ثنايا محبتك
وحنين لقاك
أنا كنت ورده مفتحه
وعبيرها بيفوح فى المدى
دبلت فى ايدك وابتدى
يغتال برائتها الردى
أنا كنت شمعه منوره
بتقيد تنور دنيتك
طفيت عيونها بغفوتك
وقتلتنى برجع الصدى
أنا كنت لك كل الفكر
وكتاب كبير
بس انت للأسف الشديد
ما عرفت تقرا كلمتى
قلبك دهب ؟!
لا .. لا .. للأ
قلبك صفيح
ولا كنت يوم فى هواك صريح
بتبيع فى قلبى واشتريك
خليتنى _ لحظة ضعف _ اقول
ياخسارة الحب الجميل
منك .. وفيك !!
جرّحتنى وشكيت غرامى للسما
وف لحظة الندم المؤكد
جاى تقول راجع أكيد
طب كنت فين
ودموعى بتجرح خدود المجروحين
والقلب نازف م الحنين
لا التوبه تنفع للظروف
ولا حتى خوف القلب نافع
والكسوف
مجروح أنا
احساسى بيك أصبح خلاص
مضروب فى قلبه بالرصاص
أنا حبى مات
وحنينى للعشق الجميل
أصبح رفات
**********************************
من ديوان ( مجروحة )
للشاعرة
الهام شحاتة