الشيخ (وافي بن سلطان بن عبد العزيز طراد الملحم)

ما كبّر اسمك هيبة البيت العتيق
الملحم الي بسيرة اسلافك شهير

هو ثوبن مطرز لك بمنسل عريق
ملبوس اهلك بحكمة الحي الخبير.

لو كل من ناله. على متنه يليق
ما كان لك لاق وطلع غيرك قصير

كم عاتق بموج العباة شبه الغريق
وانت بعباتك هيبة السيف بجفير

وافي عديم احرار بالعليا طليق
جارح بلا سرب وعلى كيفك تطير

يا وجه احمى من وهج نار الحريق
لا والله بملقى هل الواجب سعير

شيخ وولد شيخن له الفعل الوثيق
وافي شبل سلطان ابن شلحٍ جدير

لك نظرةٍ ما تنفع القلب الرقيق
ولك نظرةٍ يضحك لها الطفل الصغير

ولسان لا قال ابشر يقص الشهيق
من اوّله قبل.. يتساوى.. بالزفير

ما يجسر الحاقد لو. ينازع طقيق
دون اسمك البارود وشفار الشطير

بحظورك.. الغربان تعتزل.. النعيق
دام السباع.. تغير اوقات.. الزئير

يا عزوتي من مثلك ..يعز الرفيق
يا خوتن يجبر ..بها عظم الكسير

كل ما تذكرتك على هاك الطريق
قريحتي لك فيض يا حي الضمير

خذ ما تشوفه واضح وخل العميق
في خاطري لك وابل القاف الغزير

شاعرك ما قد رصع ابياته عقيق
قبلك ولا حاك احرف الشعر بحرير

ما كبر اسمك هيبة البيت العتيق
انت بسمو ورفعة اخلاقك كبير

علي الملحان