بـدا الشتـا والقيـض قـفـى والسـنـه قـفـت وراه
وانـا انتظـر والنفـس تبغـا حاجت(ن)عيـت تبـيـن

لـو كـل مـن يتعـب ويركـض لحـق بالدنيـا هــواه
ان كان انا اول من لحلق هواه من كسب اليمين

ولـو كـل مـن قـام يتمنـى بالعـمـر حـقـق مـنـاه
ماحدن شكى هم الفـراق ولا بكـت غاليـن عيـن

والادمــــي قــــدام لا يــولــد ويــبــدا بـالـحـيـاه
مكتـوب لـه عمـره ورزقـه والجـل فـوق الجبيـن

وعـزي لمـن طـول رجــاه ولاتحـقـق لــه رجــاه
وواصـل علـى خـط انتظـار الحـزن بالدنيـا حزيـن

وين الرجال اللي بهم في هالزمن فزعـه وجـاه
دام الـرجـل خـابـت ظنـونـه بالـرجـال الطيـبـيـن

من همه الحرمه رضاهـا والرجـل همـش رضـاه
بالـعـدل والا الظـلـم مايرضالـهـا شـرع(ن)وديـن

مــن خـابـت ظنـونـه بربـعـه بالحـيـاه وبـاقـربـاه
لو مالهـم محصـي عـدد حولـه حسـاب الميتيـن

ياصاحبـي طـال النتظـاري والامـل قــرب مــداه
وانــا اتـحـرا للبشـايـر كـــل يـــوم وكـــل حـيــن

وانته عليه قاسيـن واقسـى علـى مـن الصفـاه
وانا عليـك الشفـق مـن النـاس العقيمـه للبنيـن

عجزت عنك اصد قلب(ن)شـب مـن صـدك عنـاه
اللي سكـن غابـت غـلاك وصـار لـك خاتـم يديـن

ياصاحبـي جاهيـك باللـي عالم(ن)قلبـك خـفـاه
لـواحـد الـلـي لــه عـبـاده راكعـيـن وسـاجـديـن

جاهـيـك بالله راع مــن سـلـمـك بالـدنـيـا غـــلاه
وتكفـى تغيـر نظرتـك يـمـه بالـطـف ولــه تلـيـن

اللي نثر دمعه عليـك وشفـت فـي عينـك ابكـاه
في ساعة(ن)صدفـه بـلا ميعـاد جمعـت الثنيـن

ادخل شريك الروح ونس الوقـت يالغالـي شقـاه
وخلك مع اللي صرت بعيونـه وفـي قلبـه ثميـن

اقلـط فـداك الـروح وانــت العـمـر بالدنـيـا حــلاه
ورهن الاشـاره منـك يالغالـي ولامـرك حاضريـن

وقطف ثمر غصن الغلا اللي من غلاك الله سقاه
واللي باقلبـي صبلـك ياصاحبـي شـوق وحنيـن

عيـدك مـبـارك ياولـيـف الــروح بـظـروف الحـيـاه
ياللـي غـلاك الـلـي مـعـي غــلا عـيـال والـديـن