البلد
:
ج م ع / محافظفة القليوبيه / مدينة شبين القناطر / قرية كفر الشرفا القبلى
الدراسة :
متوسط
سيرتك المختصرة
:
أعرف قدرا كبيرا من السياسه الدوليه و الإقليميه و العربيه و كذا جغرافيا العالم و أقتصاديات دول العالم و أعرف أين أنا من أهلى ووطنى و دينى و ووطنى العربى الكبير و قارتى و عالمى .. أعشق رياضة كرة القدم و مارستها كهوايه و مازلت أمارسه حتى الأن .. أعشق أن أجمع من المعلومات العامه ما يسرى ثقافتى و يجعلنى فى قلب كل الأحداث على مدار الساعه
أصدقائك في عرار
:
الشاعر / محمد محمد عبدالجواد
أكتب الشعر بالعاميه و باللهجه المصريه و أكتب فى و الوطنيه و الدينيه والرومانسيه
**(حلمى الكابوس )**
أنا كنت فاكر إنكم فى الوطن إخـــــــوان
و الحكم فى شرعكم بالتقوى و الإيمان
و مفردات الولايه أيات من القــــــــــرأن
و ها تجلبوا للــوطن خيـــرات تعلى كيان و الخطوه فى دربكم تعمل للإرده شان
و الزرع يطرح سنابل أشكال على ألـوان
و الفقر يهـــرب منكم ما يلاقى له أركان
و الناس تعيش الرغد فى أعرق الأوطان
و النيل تزيد ميته و الصحرا كالــــــوديان
و العدل ساد فى البلد و إتساوت السكان
و الناس هتصحى الأدان تسبح الرحمن
أتارى حلمى كابوس و صحيت على طوفان
فتن و قتل و خراب معاهــــم أعلى هوان
و رياح بتعصف بالوطن فى سكة التوهان
و نشاذ على ملحمه ما تقــرهاش أديان
و شحوب لضوء النهار و عويل فى كل مكان
و ليلنا طالت سعاته و الفجــر ماــله أذان
و عداء لكل كيان من إنس حتى و جــان
و ضياع لأرض الــوطن و تراب بلدنا هــان
أجناس غزت أرضنا شيشان على أفغان
هـ هتيجى هنا تركيا و لا هـ تيجى إيران
و دماء فى كل الطرق لأنبل الغلمــــــان
و صفحة النيل العظيم ضجت من البهتان
و الشيخ بقى بلحيته ألعن من السجان
يصدر فتاوى كتير خاليه من البـــــرهان
و يحل دم البشــــــــــر بقوة السلطان
حاكم بأمر الإله واصل إلى الهــــــذيان
مين فرعن الفرعون إلا وزيره هامـــــــان
كان ع المنصه أسد و مثال لناس شجعان
و بعد عدة ســاعات ف حفره كالفئـــران
يحلف و يتنكر بأغلـــــــــــــــظ الأيمــان
بالأمس كان البطل حسره عليك يا لسان
دا الدمع مالى الجبين من شدة الأحـزان
على كل قتلى الوطن على حرمة الإنسان
ياللى ماليتوا الآذان حوار مع الطرشــان
و حجبتوا ضوء القمر عن كافة البلــدان
و جعلتوا شرع الإله بأيادى ناس عميان
و عماله فايقه الحدود على شعبنا الغلبان
و عملتوا من دربنا موكب ماليه غـــربان
حتى الزمان منكم ماشى بنا كســـلان
و أرض سينا الحبيبه كاترين ووادى فيران
روياها دم البطل بباهــــــــــــظ الأتمان
هـ تضحـــوا بيها كدا و الدم كانه ما كان
و فعلتوا فعل اليهود فى سالف الأزمان
و قطفتوا زهرة شباب بأيادى خسه جبان
ياللى قتلتوا الجنود قلبى إنفطـــر بركان
إيه كان لهم من ذنوب همــا بقى القربان
دم الشهيد فى العلالى ساكن فى أعلى جنان
و أنتم و صناديد قريش فى الجحيم أخــوان
مصــر الأبيه وطن عاصـــى على الطغيـــان
*** محمد عبدالجواد ***
كتب
بتاريخ : 1367712257
عدد القراء : 875عدد التعليقات :0