البلد
:
ج م ع / محافظفة القليوبيه / مدينة شبين القناطر / قرية كفر الشرفا القبلى
الدراسة :
متوسط
سيرتك المختصرة
:
أعرف قدرا كبيرا من السياسه الدوليه و الإقليميه و العربيه و كذا جغرافيا العالم و أقتصاديات دول العالم و أعرف أين أنا من أهلى ووطنى و دينى و ووطنى العربى الكبير و قارتى و عالمى .. أعشق رياضة كرة القدم و مارستها كهوايه و مازلت أمارسه حتى الأن .. أعشق أن أجمع من المعلومات العامه ما يسرى ثقافتى و يجعلنى فى قلب كل الأحداث على مدار الساعه
أصدقائك في عرار
:
الشاعر / محمد محمد عبدالجواد
أكتب الشعر بالعاميه و باللهجه المصريه و أكتب فى و الوطنيه و الدينيه والرومانسيه
** شايفك يا وطنى **
*** شايفك يا وطنى ***
شايفك يا وطنى راكب مركبه من غير شراع شايفك كطفل و من أهله فى مولد ضاع شايفك كأب كان نصيبه من نسله الضياع شايفك كقائد زلت خطوته فى وسط الصراع شايفك بهامه كبيره تتمايل و تتقطع من الأوجاع شايفك و شايف أهلك و سكراتهم من الأتباع شايفك و بتحسر و مش قادر فى إيه أفسر شايفك بعين حسرتى و ضلوعى تتكسر شايفك يا عمرى بتتسرق شايفك يا قلبى بتتحرق قلبى الضعيف ف الخوف غرق شايفك بنظرة إبنك المكلوم شايفك و كتافى أثقلها الهموم شايف سحابه بيضا و كتير من الغيوم شايف دماء لأبرياء شايف خطانا للوراء شايف صفاقه و كبرياء شايف أسى و دم ضاع وسط الصراع و إتنسى شايف طفوله بيترسم ليها فناء شايف الباطل فى توب الحق يزهو بكبرياء شايف الحق عاجز و ضاع فيك الرجاء شايف الحامى حرامى و خبث القوم بالمال كرام من كتر شوفى مش طايق ألامى شايف كمان إن العدا أحباب و فتحنا ليهم كل ساعه باب و بفكرهم عمارنا راح لخراب شايف مغالطه فى كل حرف و كلمه شايف قلوب جوه ف حشاها ضلمه حالفين يخلوا أرضنا و سماها مش سالمه شايف كتير .و كتير. و كتير
شايف عموم الأمر خطير و عجزت أنا عن التفسير و ما أملكش إلا دعواتى و صوتى الضعيف و نبراتى لطف اللطيف بينا فى الأتى يعدى بلدى وسط الريح من غير شهيد و لا حتى جريح نوصل بيها لبر مريح دعوااتى ليكى ياأمى ياغاليه يا بلدى يا مصـــــــــــــــــــــــــــــــــــــــــــــر ..
**************** يستطيع الإنسان أن يعيش بدون أم و لا يستطيع يعيش بدون وطن،،،
**************** ** محمد عبدالجواد **
كتب
بتاريخ : 1367712257
عدد القراء : 952عدد التعليقات :0