البلد
:
ج م ع / محافظفة القليوبيه / مدينة شبين القناطر / قرية كفر الشرفا القبلى
الدراسة :
متوسط
سيرتك المختصرة
:
أعرف قدرا كبيرا من السياسه الدوليه و الإقليميه و العربيه و كذا جغرافيا العالم و أقتصاديات دول العالم و أعرف أين أنا من أهلى ووطنى و دينى و ووطنى العربى الكبير و قارتى و عالمى .. أعشق رياضة كرة القدم و مارستها كهوايه و مازلت أمارسه حتى الأن .. أعشق أن أجمع من المعلومات العامه ما يسرى ثقافتى و يجعلنى فى قلب كل الأحداث على مدار الساعه
أصدقائك في عرار
:
الشاعر / محمد محمد عبدالجواد
أكتب الشعر بالعاميه و باللهجه المصريه و أكتب فى و الوطنيه و الدينيه والرومانسيه
** ثوره حــــــايره **
** ( ثوره حايره ) ** فى البدء شفناك يا وطن قايم بثورة أمه مليانه طاقه و إيمان و هتاف بوحدة كلمه تجمعها وحده و تناغم أطياف و عاليه الهمه بين كل عالم و عامل و شيخ و شاب و عمه بين إبن أخويا و أبنى و الخال و إبن العمه و عمى صالح و تادرس و حماده و أهل الذمه من كل شارع و حاره و زقاق و عطفه و إمه من كل نجع و بلد ملوا كتير م الغمه لبسوا الشجاعه ردا حلفوا الوصول للقمه و يجيبوا حق الوطن من كل ظــــالم رمه و يرجعوا شمس غابت و يعيدوا ليها البسمه وقف التاريخ إنتبـــاه و الشعب علا نــداه كام صرخه ملايين أه فليهـــوى عرش الإله و بطانته عاليه الجــاه خلاص ما ليهم نجــاه بلغ الأسى منتهـــاه و الكل باع دنيتــــــه شاف ف الشهاده مناه و دارت الدايـــــــــره فى كل شبر و دايره و قتال و دم و قصص أسراب حمام طايره بيدب فينا الأمـــــــل بزوال سنين غايره و ف كل ساعه شهيد برصاصه غادره و جايره كبر الأمل عندنا بوفود جيانا زايره و مرت الأيام كانها 100 عام و ف يوم نهاره تمام بلغنا أعلى الصدام خرج علينا الهمام و قال خلاص ياسلام الظلم أصبح ركام هيرحل إبن اللئام و الشعب يومها م نام و الفرح غطى الشوارع مين قدنا و يضارع و خيالنا راح لبعيد دا الغم زال و إنبرى و أيامنا فرح و عيد إسعد قوى يا شعبنا كل ال جايلك جديد الثروه صبحت لنا ما بقاش حدانا شريد لعبت أصابع العدا عبثت بكل شهيد و أستعمروا فكرنا و جندونا عبيد و دبوا فينا الفتن و قطعوا لينا الأيد و لعبوا بينا قمار و قسمونا شطار و أسود فينا النهار بقينا قطه و فار و كلنا كفار إعلام عميل غدار و قضاء بيضرب نار و فلول عتاه فجار خلوا الدموع أنهار و العيشه شابها مرار عهدونا للعسكر و الله ناس تشكر لمونا حواليهم و الكل مواليهم و الخبره مش ليهم بس الضروره تحكم مرينا بمراحل نبكى على الراحل و نقول يا ريت يرجع و ألمنا بقى يوجع و عملنا طس و رفه على مين يدير الدف و الكل كداب زفه و الشعب بقى بردان و أحلامه يدفى طلت وجوه عابثه كانوا شاركوا ف الكارثه و هدفهم الكرسى و رسينا على مرسى راجل و هدفه خير أعدائه بس كتير سفاح عميل و أجير و الكل منه يغير حاربوه بكل ضمير و يقولوا إنه أسير و أزاى يحكمنا و مين هيلزمنا دا جى يأزمنا من مالنا يحرمنا لازم البعيد يرحل هنخليهاله خراب و عاليها يبقى تراب و أحلامه تبقى سراب و عدانا يبقوا أحباب على دمنا بيتباكوا و هما ال ليه حاكوا وسط البلاد يتحاكوا عن ثوره مش حره و أيام بقت مره هنعيد بقى الكره بكلاب و مشطره موتنا متين مره من ظلمة الحكام و أحلام عاليها ركام نبكى على اللى مضى من أسوة الأيام و نموت من اللى جى بوعود ماليها ألام و خطانا مالها زى و فى الحفر ألغام و ندعى لخلاصنا و لمين يخلصنا من غبن ملا راسنا و الهم كرسنا ندعى لرب كريم يعدى بينا الوبا و نروح لبر سليم بحق من أرسله للخلق هادى حليم خايف من الشرذمه خايف من التقسيم **lمحمدعبدالجواد** ***************
كتب
بتاريخ : 1367712257
عدد القراء : 848عدد التعليقات :0