الشعر الإسلامي العربي النبطي وإيصاله كرسالة سامية للبشرية
قصيدة : على هـونـك
.
.
.
على هونك ! ترا طبعي يكيد اعْدآي أقص الرّجْل ما تمشي لناسيني .. قويت الهجْر يا قلبي و ذي بلوآي خفوقي من كثرْ صبره معنّيني .. كفاك الطيب يا قلبي و شف من جآي ابيك اتقولها مره و تشفيني .. ابيك اتقولها : ببعد و قل ( بي بآي ) ابيك اتعلمه معنى يقفّيني .. أبيه ايشيب ما يقدر على مرضآي أبيه ايموت بالحيره و يبْكيني .. أبيه الميت العايش على مشهآي أبي يعرف صغرْ حجمه وسط عيني .. أبيه ايذوق من (كاسه) مثلْ مسقآي ابيه ايْعرْف وش صبري و يدريني .. أبي قلبه يحس انه فقد عنآي تعنت للجمايل دوم يديني .. خلقت امن الوفا آيه و كم وصآي صحيب(ن) قال لي أنسى مجافيني .. رفضْت الكون ذا لجلك و كل انحآي وفت لك ما رضت غيرك يعنّيني .. عطيتك خافق(ن) ينزف أبيك ادوآي ألا يا ليت ما قتْلك تداويني .. هقيت ان فزعتك مثلي ألا مغبآي نسيت ان الهوى أعمى و يعميني .. أنا هاللي ظما ميت وانا (سقّآي) أنا هاك الذي صعب(ن) تجاريني .. أنا من جاك بس قصده تشوفه جآي ! قبل ما تطلب الفزعه تلاقيني .. أنا من شاب في صغره وصلْت اقصآي أنا تدري ؟! حرام انك تِعَرْفيني .. أنا بيدي كثر طيبي (أزف اهوآي) كتمت النار بس ترضى بعد عيني .. أشيل امن الزمن هم(ن) يهز ارجآي وانا شامخ كما (سنجار) تلقيني .. وعدتك بانك الحالك وانا وفّآي فلا قبلك و لا بعدك بيعْنيني .. أحبك يشهد اللي من عدم سوآي إله الكون يا ربي تقوّيني .. أحبك كثر ما غبتي و كثر اخطآي خطاي اني عطيتك فوق تخميني .. أحبك كثْر ضحاتك و كثر ابكآي أحبك كثر ما تنوي تخليني .. تغيب و ترجع اوتلقى : وفا خلاي أكون اللي ( ظلم نفسه ) بكفّيني .. أشوفك تفرح ابجرحي و شوف ادمآي وانا والله لفرحك من شراييني .. و لابي غير بس ترضى ونا رضّآي أبيك ابصدق تذبحني و تشقيني .. ورح لاحبابك الواجد وانا عزآي لنا ربك و لك دينك و لي ديني .. حسبت انك (وفا تبعد) و ذي هقوآي ولاكن للأسف كذبك مخاويني .. حسبت انك ذكي !! يا هيه دوك الرآي غبا إنك تذاكى عالذكييني .. تأكد كل ما تفعل على مرئآي وانا صابر أبيك اتقول يكفيني .. يطول الصبر يا لاهي وانا وش جآي؟! مغير الهم يصبحني و يمْسيني .. سنه مرت و خمْس اشهور ما كفآي أقول ان الأمل باقي بياتيني .. و لا لي غير عبراتي تهز اشتآي و لملمها عسا تقدر تدفيني .. بقى من شاعرك دمعه و بيت او(نآي) عسا هاللي بقا (منك) يسليني .. بقى من شاعرك حزنه و صوت احدآي و ضيق أقسم بأنه ما يخليني .. بقى من شاعرك دفتر تعال اقرآي واذا تقدر فشوف اللي بقى فيني .. تشوف ابيات ظميانه لقطرة مآي و كنْت احْسب قصيدي عنك يرويني .. تشوف الخافق النادر وِسَط أشلآي (شمالي) كيف ضيقته بسنتيني ؟! .. يمر العمْر ما أنسى أبد ذكرآي ملامح بسمت(ن) كانت تحليني .. شريتك بالفرح بعته وانا رجوآي تثمّن كل وقفاتي و تشريني .. عجزت ألقى من اطعونك سواك ادوآي علامك ليه ما تهدى و رسيني .. كفاك الموج يا بحري معاد امدآي أخاف الموج يم غيرك يوديني .. وانا (غيرك) حلفت انه معاد اعنآي أموت اغرق و لا إنك تجافيني .. مهوب اذلال لا والله أبد حاشآي و لاكن الوفا خلي و يعنيني .. تناسى حبنا يا زين يا مغنآي و بحلف لك : تموتي ما نسيتيني .. على هونك لأن طبعي يكيد اعدآي واقص الرجل ما تمشي لناسيني ..
... .. . حمزة الهاشمي
كتب
بتاريخ : 1320484481
عدد القراء : 4405عدد التعليقات :4
التعليق من قبل : الشاعر حمزة الهاشمي
كل الشكر التقدير لكم يالغاليين على استضافتي هنا فقد كنت ابتعدت عن الساحة لظروف قاهره ولكن هذا لا يمنع ان ابعث اليكم باغلى ما املك من ابيات اتشاركها مع اغلى من اعرف ,, دمتم بكل ود
التعليق من قبل : اسرة التحرير
مبدع اخوي حمزة ونتشرف بك
التعليق من قبل : الشاعر حمزة الهاشمي
الاخت القديرة مها يوسف كل الشكر والتقدير على مروركم العطر الذي اضاف لنا الكثير هنا ,, دمتم ولا عدمنا تواجدكم الجزل
التعليق من قبل : مها يوسف
العزيز الشاعر حمزة الهاشمي قصيدة معبرة وجميلة كل الشكر والتقدير لقلمك وخاطرك الرائع rnدمت بتألق مشكور