أهنيكم بشهـر الخيـر بشهـر الأجـر والإحـسـان
‎عـزيـزٍ غـاليٍ قـدره يـجـيـنا في الـسنـة مـــــره

‎تهانـينا لشعـب أهل الجـزيـرة والملك سلمــــــان
‎بصوم الشهـر وقـيامـه لـمنهـو يـمتثـل لأمـــــره

‎يابخـت اللي توفـق به ونال بصحـبـته غــفــران
‎جليس الذكـر والقـرآن وزيّـن بالعمل صبــــــــره

‎مواظب للفروض الخمس مانع خـطوة الشيـطـان
‎لبس ثوب العـفاف وقد تربى فيه من صغــــــــره

‎نـهـج نهج السلف بالدين والقدره على الإيـمـان
‎خـلا بـيتـه مـن الـدش الـلعـيـن ومبتكــر شـــره

‎من المنزل إلى الـمسجـد بحلقات الذكـر سـهــران
‎يـسارع في عـمل صالح رفــيـق الغـد في قــبـــره

‎غدى صوته شبيه الغرغـرة من خشيته غــرقـــان
‎وهــو نـاصب وعـيـد الله وحـميـمٍ مـشتعـل جـمـره

‎لـذيذ النوم من عـيـنه تجافى في رجـا الــرحـمـان
‎يعـينـه في دروب الـخيـر ويكـتب لـلـعـرب نـصره

‎هني قـلبٍ تـفـرغ وانـشغـل في طاعـة الـمنـــــان
‎وكــرّم زائـر الـرحمـن وجـاهـد فـي غــلا قـــــدره

‎تعـالـوا يا رفـاق الخيـر نحـذو حذو هـالانـســـــان
‎فــلا نــدري عـن الأقــدار ومـا يـكـتب لـنا بـكـــره